Waor of neet waor aflevering 560

vrijdag 18 juli 2003

Paul Prikken

tornere

[A = FOUT]

Aha, ei waord oet het Italiaans. Tornere kump natuurlik van 'tornare', dreije, óndreije, wentele. In Limburg gebroek me het waord veur emes dae neet sjtil kèn likge of zitte. Jóng, lik neet zoe te tornere in bèd, zit neet zoe te tornere op diene sjtool. Det beteikent het: ónröstig dreije.

[B = FOUT]

Es det van Italië kump dan zal het toch zeen van Pruse die op vekansie nao Italië wólle gaon en die neet ginge. Want tornere det kump van het Duutsj: stornieren. Det beteikent: annuleren, aafzèkge. En die Pruse die ginge neet nao Italië ómdet ze hun vekansie getorneerd hauwe, ze hauwe het aafgezag.

[C = GOED]

Waat ein talekènnis allemaol en ouch nog allemaol ratsj dernaeve. Tornere kump oet het Frans. 't Kump van tonnère, ónwaer. Wèts waal: det jans jroos jewitter oet Kirchrao. En waat deit det det jewitter: det torneert, det tempies, det geit tekier. Det is tornere: böljere, tekier gaon, brulle, tempieste.

 

[OPLOSSING = C]

tornere: tempeesten, tekeer gaan