Waor of neet waor aflevering 562

dinsdag 22 juli 2003

Paul Prikken

uddere

[A = GOED]

Ja, ich zouw hie lank kónne uddere euver de beteikenis van het waord uddere, mer het is sumpel. Uddere beteikent: langdradig zeen, lank van sjtóf zeen, de luuj vervaele mit einen oetlek wo gein ènj aan kump. Det is uddere. Loesteraers, zèt de radio noe mer oet want nao mich gaon deskundige B en C beginne mit uddere.

[B = FOUT]

Uddere det kump oet de mien, oet de koel. De kaole die woort op einen udder, eine sjöddelbak gelag en dan woort ze ge-udderd. Det beteikent: sjöddelend zaeve, dan veel de fien kaole en de sjtöp door de zaef, en bleve de dikke klöt euver. Det beteikent uddere: zaeve in ei sjöddelzeif.

[C = FOUT]

De koele zeen al mier es dartig jaor toe, en noe kump menier de luuj ambetere mit oetgevónje waordesjat oet de koel. Nei, jóng, uddere det gebäört baove de gróndj. Uddere kump van udder, det is den ujer van ein koo of van ein geit. En waat uddert aan den udder? Het kauf natuurlik. Uddere beteikent dus: sabbele, zuigen, zoeke, lótsje.

[OPLOSSING = A]