Waor of neet waor aflevering 567

dinsdag 29 juli 2003

Wim Kuipers

Sjaarsmoel

[A. FOUT]

Sjtrakkes vraoge ze nag grotemoel. Veur aan de doezjend aafleveringe te kómme. Sjaars, det is Nederlandjs schaars en waat is ein sjaarsmoel: eine dae neet väöl zaet, neet oet wiesheid mae umdet hae eine vrengse is. Verbitterd.

[B. FOUT]

Sommige luuj dinke det dao het waord smoel vandan kump. Zal neet. Waal ei boeiend waord. Wit geer waat 't Nederlandjse waord veur sjaarsmoel is? Scheurbuik. Det haet nieks mit de boek te make, mae mit eine óntsjtaoke, zjwaerende móndj, zoedet me bao nieks kós aete. Zoe erg woor det aevel hie neet. Ich zal 't netjes zèkge waat ein sjaarsmoel is: ingescheurde of ontstoken mondhoeken.

[C. GOED]

Oos moder zag dao ein sjaaFsmoel taenge. Mesjiens ein volksetymologie, det is: ei waord verangere det 't begrepe waert, wie Franse faer veur eine jaormert. Woveur zag ze noe sjaafsmoel? Mesjiens umdet ze dach det aan of in die moel get voertgesjaaf woor. Ein sjaarsmoel is: eine móndj mit ei vervalle gebeet, ónregelmaotig, tenj aafgebraoke, gans weg dök.

[OPLOSSING: C]

Opmerking: voor b staat in hetwoordenboek Roermond: sjeurboet