Waor of neet waor aflevering 568

Woensdag 30 juli 2003

Wim Kuipers

Eine ein widvrouw gaeve

[A. FOUT]

Det is neet zoe lestig. Kump bie nagal get kaartsjpele veur. Bie kruutse of heuge beveurbeeldj: dan haet me eine van de troef noer de vrouw gegaeve. Of bie hertejage allein de hertevrouw, en det is vazel. En dus dach me aan ein widvrouw: die woor vreuger ouch vazel, allein, ermeujig.

[B. FOUT]

Veer neume det bie 't kaarte: ein blote vrouw. Daoveur beteikentj die oetdrökking gans get angers. Ein widvrouw weduwe haet geine miens mie. Vreuger woor me dan ei bietje gehandicap, en die vrouwe haopde dan ouch det nag ins eine keem. Meis waerde det nieks. Zoe is die oetdrökking óntsjtange: emes ein widvrouw gaeve: valse haop bezörge.

[C. GOED]

Sjiek verhaol. Gaon ich bao van janke, die erm vruikes. Ich höb zoe mótte janke det mich drei glazer in 't dressoir sjprónge. Mae de waorheid is sumpel. Eine ein widvrouw gaeve is: eine ei glaas veurzitte det get kepot is of wo eine bórs in zit.

[OPLOSSING: C]

Deze uitdrukking staat onder meer in het eerste woordenboek van Sittard.