Waor of neet waor aflevering 574

donderdag 07 augustus 2003

Wim Kuipers

Sjlaagwater

[A. GOED]

Sjlaagwater det zól me döks wille det det in de sjtudio woor. Det zien van die ing hökskes, dao raak me ram van sjlaag. Wen hie hoonder in móste zitte, kreeg me gegarandeerd de sjtichting Lekker Deer op bezeuk. En wen me hie dan mit zós of zeve man m/v zit, dan ruuk me waal ins get. Dan dink ich waal ins: hauw ich mae get sjlaagwater, dan rook 't get baeter. Sjlaagwater, veur neet van sjlaag te rake, det is odeklónj ofwaal: eau de cologne.

[B. FOUT]

Wie verzint me zoeget. Sjlaagwater kump door sjlaagraengel: hiel helle raengel mit fórs get windj. Dök woor dae bekans horizóntaal. En dan zoog me eine pool water oppe zölder of in de hoonderskooj. Moder vroog dan óngerös: ein pan kepot? Nae zag vader: sjlaagwater, det is ónger door de panne gegange. Det is dus: water det door de panne of mesjiens waal ins door de moer haer sjleit.

[C. FOUT]

Bie watermeules guf 't meules mit ónger- en mit baovesjlaag. 't Geit dan d'rum wo 't water op de sjope schoepen kump. Dink noe efkes aan waat geer höbt: eine sjlaag van de meule, en sjlaagwater is gans dudelik: 't water det op de sjope van 't meuleraad klaats, en zoe de meule leut wirke.

[OPLOSSING: A]

Opmerking: de volksmond verklaart dit woord uit Nuth en omgeving zo: de dames sloegen hun flesje odeklónj voor ze eraan roken of een paar druppels op hun zakdoek deden.