Waor of neet waor aflevering 575

vrijdag 08 augustus 2003

Wim Kuipers

Vetse

[A. FOUT]

Bah, 't niveau daalt danig. Mótte ze van dees wäörd gaon opgaeve. Wórkelik besjaafde luuj gebroeke zoe waord neet, die kalle fienkes euver broekhoest. Dus vetse, ich mót 't toch zèkge, det is: d'r eine laote vlege, aafriete.

[B. FOUT]

Wo geis doe op aaf mit dien aafriete: op de sjtank of op waats doe heurs? Vetse kan me mamelik heure mae det hoof neet. Wen me get heurt, dan is det ei geluud wie wichter eine windj naodoon, eine sjeet. Dan blaoze ze op de rök van de handj, zoe loester¼ Det zól me ouch bie 't vetse kónne heure, wen dich de sjoon vetse: sjoon die dich te groot zien, die vetse, die gaon achter op en neer. Aan de kantje van de Peel is det fakke.

[C. GOED]

Zeer gooj oplossinge. Loester. Eine windj dae me neet heurt, dao zaet me van: dae kump op de zök. En van die dieke zök, zelf gesjtrik wie vreuger, die kónne ouch vetse, mae meis waert det gezag van karpette, matte op de vloer, die vetse: pluze.

[OPLOSSING: C]