Waor of neet waor aflevering 576

maandag 11 augustus 2003

Wim Kuipers

Teug

[A. FOUT]

Teug det höb ich vreuger dök te heure gekregen. Ze móste mich teug haoje. Veer wore neet zoe braaf, mien breurs en ich, veer moelde waal ins wen d'r grote miense op bezeuk wore in de veurkamer. Veer wore neet zoe vrek wie noe de wichter, det neet, mae dao waerde waal gezag: haoj die wichter ins teug: in bedwang, netjes me zaet ouch: modes, det is belaef.

[B. FOUT]

Allei: ich verdink dich d'rvan dets doe det waord sjtiekem opgezóch höbs, zoogs doe TEUGEL, höbbes en dan wit menier de beteikenis al: aan d'n teugel. 't Is ei gans lestig waord. Ich laes uch daoveur geweun de beteikenis veur oet 't waordebook, mae ich zèk neet waat veur waordebook, laote veer dinke aan det van Zuujzaote of Lukkebummel. Dao sjteit: veug = bepaalde soorten gemaaid onkruid, dat niet voor voedsel voor dieren in aanmerking komt. Knullig gezag. Veug is: de rómmel dae nao 't dorse nag in de vröchte = in 't graan, blief zitte.

[C. GOED]

Teug is iderdaad ei lestig waord. Veer mótte daoveur nao de Middelieuwe of nao t Platduutsj. Dao heurt me kalle euver d'n teugklómmel. Hoogduits daoveur is: Zeugungs-glied ofwaal: mannelijk voortplantingsorgaan. Det dink wo de kaerels meine get mit te kónne. Hertelik dank veur eur applaus veur mien internationaal kinnis, en ich besjloet: teug is kans, meugelikheid.

[OPLOSSING: C]

Opmerking. Teug is waarschijnlijk afkomstig uit het Rijnland, en nog bekend in Helden en omliggende dorpen, die bijna driekwarteeuw bij Pruisen gehoord hebben.