Waor of neet waor aflevering 577

dinsdag 12 augustus 2003

Wim Kuipers

Veug

[A. GOED]

Höbbe de Taalmeisters ei Limburgs riemwaordebook gevónje? Gister teug, noe veug: meug waer ich daovan zaet de zeug, die neuge deug dreug. Nae det kan neet: veer maondj, wiewaal: seks is get geks, en nonne höbbe gein hormoNNe, lök mich det neet prima? Ich höb det van hoesoet: dichte, det is eine veug: henjigheid, kunde, get waat dich good aafgeit.

[B. FOUT]

Mich lök det ouch, wiewaal neet zoe good det mót ich biegaeve. Loester: Wo is de zeug?, vreug d'n Dreuge meug. Gank kieke: ze lik op de veug. De veug: det is de veursjtal, de ruumte tösje 't woonhoes en de sjtelling. Dao loog get aafgesjtote hui, sjtreu, en daobaove sjlepe de knechter.

[C. FOUT]

Ouch de maag? Nae: gein grepkes. Wen die dao sjleep en vas sjleep, dan kós ein veug häör waal ins aan de teen kómme. Eine lekkere linkerteen: det geit d'rin wie 't waord Gods bie d'n daominee, wen de veug hónger haet: de hoesmarter.

[OPLOSSING: A]