Waor of neet waor aflevering 578

woensdag 13 augustus 2003

Wim Kuipers

Aandoewe

[A. GOED]

Dit is noe richtig get oet d'n aojen tied. Ich mein: 't guf dinger, gebroeke die veur vergate zien, mae die zien d'r nag: in ei mezeium, oudheidkamers. Aandoewe is veurgood veurbie, of kónt geer uch det nag veursjtèlle: hae dórs de lieraar neet aan te doewe: mit DOE aan te sjpraeke, tutoyeren.

[B. FOUT]

Sjiek gevónje, mae in t waord tutoyeren zuut me tu en toi menier A, t is dus: tu en toi zèkge, Nederlandjs jij-jouwen, dus veer zólle mótte zèkge: dich-doewe. Waat mós doe dan mit det AAN? Allei, veur waat 't waal is mótte veer de Braobantjse kantj op, wo ze ouch OE zèkge veur U. Ik zie oe gaere. En wen eine jóng verleef waert, ei maedje gaer zuut, mae hae dörf neet good (veer höbbe 't euver vreuger), dan mós me dae jóng aandoewe: bemoedigen, aansporen.

[C. FOUT]

Ich höb geheurd det d'r mesjiens ei beukske kump euver oos sjpeel Waor of neet waor. Nou: dan zal dit waord veur sjtraevelerie zörge. Det doewe van aandoewe geit trök op 't Franse douer, det is: voorzien van, begiftigen met. En noe kónt geer de sjiek van dit waord waal zeen: eine get aandoewe is: eine get gaeve um dem veur dich te winne. Zólle veer róndjeweg zèkge: eine sjtoeke, sjteekpenninge gaeve? Woveur kump npe gesjtraevel? In det doewe haet me aanduje meine te zeen. Det is kwatsj, mae wach ins aaf waat sjtraks gezag waert.

[OPLOSSING: A]

Opmerking: dit woord staat in het woordenboek van Valkenburg