Waor of neet waor aflevering 585

vrijdag 22 augustus 2003

Wim Kuipers

Emmes

[A. FOUT]

Intjelik intjelik ins ei gans nuuj waord zoeget guf 't in 't Limburgs ouch. Veur dit te begriepe mótte veer weite waat emmetje is. Det is ein verkórting van ei waord det mit ein M begint. In 't Duutsj heurde me vreuger Emmchen, det woor eine Mark, en oos emmetje kump van de M van menstruatie, dus: óngesjtèld zien, pratsj veur de gool höbbe veer hie daoveur al gehad. Manskaerels kónne gein emmetje kriege, mae waere waal ins get kwiet waat eigelik veur de voertplantjing is, en det is me emmes gaon neume. Ich hauw vannach emmes: eine nate druim.

[B. FOUT]

Laot ich noe bie mien moder zien (ev. aanpassen) en dao kump de pastor binne, wie de keplaon allewiel hit, eine jónge sjtröbbant, en dae vreug die aoj vrouw: alles emmes? Ich hauw wille antjwaorde: alles paletti, of ram geweldig, den dae man zal neet gevraog höbbe of mie moder eine nate druim haet gehad. Emmes: det is ei modewaord, get wie in orde, oké, gelökkig.

[C. GOED]

Is eine nate druim noe oké veur de pastor of neet? Ich gaon neet nao de kirk, mae ich laes dao hiel väöl euver en nag mót ich zèkge: dao höb ich wienig emmes van: gei verstandj. Angers gezag: geen benul.

[OPLOSSING: C]

Emmes staat o.m. in de woordenboeken Tegelen en Venlo.