Waor of neet waor aflevering 587

dinsdag 26 augustus 2003

Wim Kuipers

Röls

[A. FOUT]

Röls: det kump veur aan de kantje van Mofert, d'n Deelgaard, de ooskantj van Helje, Sevenum, Arcen. Dao guf 't gemein sjlechte zandjgróndj. Me zuut allein get sjaemel denne, den zoe'ne lóchte raekel is wied te röls veur aerpel of krotte. Te mul, korrelachtig, krek sjtaof.

[B. GOED]

Ich kin dae gróndj. Op 't Hinge is det neet angers. Nutte kale helle zandj krek sjtaof, dao höbs doe rech in. Wen me dao mit eine röls euverhaer zól vare, dan zuut me dao bao nieks van. Eine röls, det is ein sjtoumwals. Veurbeeldj: Roda góng nao de rös wie eine röls euver Ajax haer.

[C. FOUT]

Ich bön 't dao ram mit ins, det me bao nieks zuut wen me mit ein sjtaomwals euver eine röls veurt. Hoogoet ei klein naat plekske blief euver dink ich. Eine röls is eine kleine vösj, ei saort voorntje, mae klein. Get groter es ein sigaret.

[OPLOSSING: B]

Opmerking: röls is ein eige waor van de kantje van Gebrook. 't Kump van 't wirkwaord rölse, det verwantj is aan rollen.