Waor of neet waor aflevering 589

donderdag 28 augustus 2003

Wim Kuipers

Sjnalle

[A. FOUT]

Sjnalle: det heurt bie ein epaarte categorie wäörd wie lurve. Die besjtaon mae kómme noer in éin oetdrökking veur. Hie is die: guf 't nag get te sjnalle? Det beteikentj: is hie get in te pikke veur ós, get te bikke, drinke, soms ouch leefde mae dan betaalde leefde.

[B. GOED]

Doe wits wörkelik neet waats doe oetkraoms. Loester, dae kaerel van dich, ich num aan det 't zich um kaerels hanjelt, wen dae get te aete vreug of drank, det duit dae umdet hae kórt teveure haet mótte sjnalle: de bóksereem ein koppel gaetjes inger make, of neet letterlik: 't mit minder mótte doon, det is sjnalle.

[C. FOUT]

Geer kómp allebei in de buurt taalkundig dan. Wen dae kaerel van uch zich örges get gesjtriets haet, ich neum zös flesse wien, dan kump hae zich de bóksereem in aan het levere, althans: wen hae door de veldjwachter gesjnald waert. Sjnalle is te pakke numme, oppakke, arrestiere.

[OPLOSSING: B]

Opmerking: A bedoelde: is hie get te hasje.