Waor of neet waor aflevering 592

dinsdag 02 september 2003

Wim Kuipers

Paeke

[A. FOUT]

Det is neet zoe lestig. Me mót aan d'n peek in de korsboum dinke: sjpits, saort klein lans. Wen dae peek van ierzer is, kan me dao duchtig mit sjtaeke, en det is paeke: sjtaeke mit eine peek, mit ei sjpits veurwerp.

[B. FOUT]

Sjei mich meug, dao mót ich neet aan dinke, den wie dök haet de mam gezag: zit neet zoe te paeke: in de naas te pulke. Neet aan dinke det veer det mit eine sjerpe sjpits deje. Waat ouch gevierlik woor: paeke in ei laok in de boum. De kóste wispe in zitte of horzels. Dus paeke is: pulke in de naas, of mit eine sjtek in ei gaat raochele.

[C. GOED]

Mót ich neet aan dinke zaes doe. Gelökkig dink de brandjwaer dao waal aan, wens doe ze bels umdet bie dich in de boum ei laok zit mit wispe of möspele. En waat doon ze dan? Dan paeke ze det laok toe. Paeke is asfaltere.

[OPLOSSING: C]

A. doelde op 't woord peke = steken met een piek, bijvoorbeeld 't verke peke.

B. had het over paoke, Nederlands poken.