Waor of neet waor aflevering 594

donderdag 04 september 2003

Wim Kuipers

Sjtoek

Opmerking: lang uitspreken, zoals boek = buik.

[A. FOUT]

Sjtoek: daobie mótte veer aan 't stuitje dinke, inj van de röbbekas. Det is eigelik stuikje kump van stuiken, dus daar waar het stuikt: stokt, niet verder gaat. Bie de miense geit dao nieks wiejer, waal bie de kat en de hóndj, en waat is gelierde hiere dus eine sjtoek? Jaowaal: sjtert, staart, sjtats in Kirchroa.

[B. FOUT]

Sjtoek is inderdaad get op 't inj wiewaal 't dao mit begint in den beginne. Det liek waal ei raodsel, ich zal 't verduutsje. Bie ós is de sjtoek waat in 't Nederlandjs de stronk hit, de sjtrónk van eine boum. En gaef bie: dao begint de boum mit, neet mit de bäövelste tek. Veurbeeldj: lout dae sjtoek gauw zitte, dae rót vanzelf weg.

[C. GOED]

Dao zien ouch ei paar dörper die det de bóks van de boum neume. Raar luuj, ein bóks in de gróndj. Wiewaal: det zuut me waal ins, gastarbeiders en aojer luuj, die höbbe de bóks wies op de gróndj, die zien mit de sjtuuk de waeg aan 't kaere. En noe zien veer wo veer mótte zien: eine sjtoek det is ein bóksepiep.

[OPLOSSING: C]