Waor of neet waor aflevering 601

maandag 15 september 2003

Wim Kuipers

Zil

[A. FOUT]

Zil kump van Silvester. Dae naam kump in 't naorde van Limburg väöl veur: Ves waert ouch gezag, en Sil of Zil. Zilvester is de heilige van de lèste daag van 't jaor, 31 december, en zoe is zil gaon beteikenen: 't inj, einde, beveurbeeldj van ein touw. Doe mós die touw bie de zil pakke, angers lök 't neet.

[B. GOED]

Einde: jazeker. Wen me vreuger mit de paerd ploogde en me hauw op 't inj van d'n daag 't inj van ein zil landj in zich, dan hauw me duchtig gesjoef. Zil is namelik 't veerde deil van ei boonder, dus ein kwaart hectaar, mae boere die flotter klaor wólle zien, dao zagte ze det ein zil 't viefde deil van ein hectaar woor. Zeuk uch det zelf oet.

[C. FOUT]

Weer die zielige boere. Ich höb in miene sjtudentetied ins ein úmvraog gedaon wo me dach det 't doe nuuj modewaord silly vandan zól kómme. Det kump euverein mit 't Nederlandjse zielig. En det dachte de luuj: van de zeel mae zeel is in 't Ingels soul. Noe zien ze al aan 't opzeuke geer kónt ouch nao mich loestere: sill is ei aod Germaans waord, beteikent dörpel, paol dao gans ónger, dus get waat ónger is: dao kump silly vandan, en dus: zil is gans einfach: dörpel. Veurbeeldj: hae veel mit ziene ganse til euver de zil: mit de moel in de bótter.

[OPLOSSING: B]