Waor of neet waor aflevering 610

vrijdag 26 september 2003

Wim Kuipers

Noekel

[A. GOED]

Ich gaon vies doon. Wen eine kaerel eine joekel haet, dan is d'r dao mesjiens sjtols op. Mae ein vrouw die joekels van noekele haet, die is dao neet zoe bliej mit. Zeker neet wen ze onnag neet zoe hiel väöl op 't sjaap haet of: in de bloes. En det kump helaas veur: klein bórste mit grote noekele, en det is neet get waat me zich wins. 't Zal noe dudelik zien: eine noekel is eine tepel, en daonao wie die te koup wore - ouch: een zuigfles.

[B. FOUT]

Allei: veer zagte dao nippel taenge, mae waem wit. 't Waert weer ins tied det veer alle drei geliek höbbe. Loester: noekel, poekel, nak nek, waal ins geheurd van noekeluit sjete? Hollenjers neume det: een koprol maken, en dan zien veer wo veer mótte zien: eine noekel is eine salto.

[C. FOUT]

Ich dink det de luuj op dich sjtumme. A. woor weer te vies, en ich mót helaas bewaere det dit ei boerewaord is, en det gluive de luuj neet. Wiewaal: wen me mit eine noekel eine salto maak, kan det eine salto mortale waere. Ich zal det verklaore: eine noekel, det is ein ketrol veur zek vröchte, dus weit of kaore, nao de zölder te takele.

[OPLOSSING: A]

Noekel in de betekenis van tepel komt vrijwel niet meer voor. Wel een ervan afgeleid werkwoord. Het woordenboek van Gronsveld heeft: nókgele = zuigen, sabbelen, of: drinken, o.m. van sterke drank. Het woord staat in verschillende andere woordenboeken, zoals in dat van Heerlen: noeke = zuigen. En Kerkrade heeft noekel = zuigfles.