Waor of neet waor aflevering 613

woensdag 01 oktober 2003

Wim Kuipers

Hoeste

(lang uitspreken, niet als Ned. hoesten)

[A. FOUT]

Hoeste – neet hoesten, det is hooste of blaffe. Doe höbs van die luuj die ummer binne zitte, en dao geit me van blaffe – kuchen. Waat is noe hoeste? Lekker binnen zitte, in 't eige hoes. Veural dames doon det: die neumde me dan ouch hoesdoef. Ich gaef ei veurbeeldj: zich lekker hoeste bie d'n haard of 't aope vuur. Cocooning hit det allewiel – hoeste bie ós.

[B. GOED]

Kóm noe: hoeste, dao mós te boete veur zien. In 't hui, of bie sjitterend waer noe in oktober de gromet. Waat kós det lekker ruke! Det hui raekde me dan biejein, op rieje, en vlak veur 't nao hoes gevare waerde, invare hoot det, dan zat me det op grote huip – die op minuscuul hoezer leke, en det is hoeste: mit de reek of gaffel 't hui op huip zitte.

[C. FOUT]

Kwatsj, hoeste kan me boete én binne. Ich gaef es veurbeeldj: eine de gansen daag hoeste det d'r dich get geldj guf. Sjteit in ei verhaol van de kantje van Mofert, dus waor gebeurd. 't Waord hoeste kump – sjrik neet – krek wie hostie van 't Letiense hostia, en det is slachtoffer, offerdier. Waat is dus hoeste? Eine plaoge, hinjere, kwelle, lestig valle.

[OPLOSSING: B]

Eine groten houp hui hit ein hoes – en is ‘tzelfde waord wie hoes = huis.