Waor of neet waor aflevering 615

vrijdag 03 oktober 2003

Wim Kuipers

Demmele

[A. FOUT]

Demmele det is waat geer hie minimaal twie maol in de waek doot. Waat is det dan? Ruzing make is te zjwaor gezag, ordinair ouch, sjtechele te serieus. 't Is get wie neet gemeind ludiek sjtechele, zich get kietele mit wáörd, mesjiens get wie Nederlandjs dollen.

[B. FOUT]

Dao hoof ich neet lang euver te dinke. Wens doe neet zeker van dien zaak bös, neet wits waat ei waord beteikent, dan geis doe meis demmele, ofwaal zeivere, get baeter gezag: zeiverechtig kalle.

[C. GOED]

Jaja wen ich uch mót demmele, dan zuut 't neet good oet veur uch. Ich woor det waord kwiet ierlik biegegaeve, mae ein waek of drei geleje wore die nuuj luuj bie ós taengeneuver eine container vól aan 't laje. Wie ich later begreep, moogde de kepotgehouwde badkamertegels, de plenk, d''n aoje sjietbak, de gerdiene, neum alle troep mae op, det alles meugde neet wiejer es twintjig centimaeter baove de container oetsjtaeke. Det woor meer, ich sjtaon dao te kieke, kump de vader van de nuje naober en zaet: taenge mich: wils doe efkes mitdemmele, dan zak det waal. Demmele det is: woepe mit de veut veur get in te laote zakke.

[OPLOSSING: C]

Opm.: B. bedoelde zemmele.