Waor of neet waor aflevering 627

dinsdag 21 oktober 2003

Wim Kuipers

Gaasj

s.v.p. de aa overdreven lang uitspreken, veel langer nog dan graas (gras). Vooral C. // A. mag 't korter doen.

[A. FOUT]

De gaasj, det kump van de kantje van Remunj. Kan van det sjabbe-Bargoens zien det ze dao höbbe. De gaasj, det is de toenbank, mae dan ein wo van alles opsjteit - oetgewinkeld zèkge ze dao. Taalmeister Wim Kupers haet det in ein van zien gedichter gebroek. Hae zuut ein rie vrouwluuj likge te zónne, op ein rie oetgesjtald, en hae sjrief dan: broen buuk op zandj oetgegaasj.

[B. FOUT]

Sjiek gezag, mae doe kóns baeter bie de Fabeltjeskrant gaon wirke: die kump weer trök. En dao kump noe ouch ein gaasj in veur, umdet ze Mickey Mouse neet nao wólle ape, mit Kwik Kwek en Kwak. Noe kónt geer 't al bao raoje: ein gaasj is ein gans, mae ein menkesgans, 't menke van de geis. 't Waord geis is bewaard in gekgeize, det is wen vrouwluuj sjtaon te kwatsje wies doe normaal al duis.

[C. GOED]

Gekgeize: prima. Kwatsje ouch, mae wiet geer hie sjtaot te sjreve en dink mae loestereers det de technicus häör danig mót aafremme, geer heurt neet wie hel die kalle veur häör geliek te kriege. Ich sjnap daoveur neet det geer dao neet gans gaasj ha, dao kump de gans van deskundige B, doe bös gans in de wór meister, ich zag: det geer dao neet gaasj van waert: heisj, hees, schor.

[OPLOSSING: C]

A. bedoelde gaam, B. had als instinker de gaantj = mannetjesgans.