Waor of neet waor aflevering 628

woensdag 22 oktober 2003

Wim Kuipers

Meje

[A. FOUT]

Meje dao zit Nederlandjs mijden in, veur de loestereers: mit lang Y, gein maedjes. En woveur zól me get mijden of meje? Umdet me dao sjoew veur kan zien, zowie einen duustere gank, ei wildj paerd. Waat is noe meje in oos Limburgs? Zjuus: zich örges veur heuje, op zijn hoede zijn.

[B. GOED]

Bön ich mit dich ins: wen me eine góng meje, dan mós me zich heuje det det geine boef woor, of eine luiwammes. Meje det is lang oetgesjtórve. 't Woor veur oze oorlog, mesjiens waal veur 14-18: ein maag of eine zjweitser, dae veer maondjig gehad höbbe, in deens numme.

[C. FOUT]

Meje det haet wiedeweg get te make mit meuje, zich meuje, wo ouch de maekeleer aan verwantj is. Dae bemeujt zich mit de verkoup van hoezer, en die luuj hauwe neet ummer eine goje naam. Me dach det die meje deje, det die 't meje in 't blood hauwe zitte. Waat is det dus, det meje? Bietje foesjele, bie de naas numme en veer zólle zèkge: bie zien kladde griepe.

[OPLOSSING: B]

Meje is verwant met het Duitse mieten: huren. Men had vroeger de meejpenning, als een soort contract voor knecht en meid.