Waor of neet waor aflevering 629

donderdag 23 oktober 2003

Wim Kuipers

Naakse kiendjes in 't graas

[A. FOUT]

Neet zoe lestig. Hieveur mótte veer diek vieftig jaor trök, veur det det wasmiddelegedoons d'r woor. Doe lag me de witte was geweun op de bleik, um lekker wit te waere. En wo woor dök die bleik? Zjuus: veur of naeve 't hoes. Kós jederein zeen waat dao loog en det woor dök haole ermooj: gesjtökkerd grei, hummes mit gater dr'in, nieks sjieks, naakse kiendjes in 't graas: ermeujige was op de bleik.

[B. FOUT]

Ich kós det neet, die oetdrökking, mae hauw ze waal geheurd, ze zóng in miene kop. Daag lank: wo hauw ich det van?

En dao inins wis ich t: ein van de Taalmeisters, Wim Kupers, haet det in zie gedich Neel sjtaon, en det haet hae hie in deze studio ram veurgelaeze. Ich citeer:

(¼ )

van dich mich naakse kiendjes in 't graas

van aan sjtein gebónje maedjes in de Maas.

Ich höb häöm gebeld: waat is det?, en hae wees op die maedjes in de Maas, die dao dök maondje gelaege hauwe, det gebeurde ein twintjig jaor geleje, ónopgelosde maorde, en doe dach hae aan die dinger die dök oet de gróndj, oet 't graas gekroepe kómme: dieke witte wurm, ei saort maje, die alles opvraete wo nag ei bietje vleis aan zit.

[C. GOED]

Bah bah, dan haet hae dich danig get wies gemaak. Naakse kiendjes in 't graas, det is ein van die prachtige menere van kónne kieke van oos veur-veurelders. Loester: det graas, det zien sniejbone, wen die sjwintjers oet de sjteine pot gehaold waerde. Dao deej me dan - det de kaetel vól waerde veur zös of zeve wichter, deej me d'r get dieke soepbone bie. Dan zoog me die bone dao bie die greun sjniejbone likge, en dan zag me: krek naakse kiendjes in 't graas: eine óngerein van sjniebone en soepbone.

[OPLOSSING: C]