Waor of neet waor aflevering 634

donderdag 30 oktober 2003

Wim Kuipers

Muuskes

[A. FOUT]

Veer höbbe hie muuskebelle gehad: belletje trekken. Ich weit neet of det good verklaord is, ich woor op vekans. Veer duujde op de bel, meis bie ein aoj vrouw zoe gemein wore veer waal, en bang veur sjlaeg, en dan gónge veer achter ei muurke of achter eine sjtroek sjtaon. Deej die aoj vrouw aope, dan sjote veer op häör, mit muuskes det zien waat de Hollenjers klappertjes neume, van die knaldinger wo veer kojboj mit sjpeelde.

[B. FOUT]

Muuskes dao kan me van alles van make. Waat liek neet ammaol op ein moes. Noe weer det dink wo me eine moes-erm van krieg. En me haet 't muuske van de handj: hie die diekde ónger d'n doem. Mae me zaet in dees twie gevalle neet gauw muuskeS. Ich weit nag good det veer róndj dezen tied muuskes móste gaon rape, in de bös, en dan kós 't dök al gemein kaod zien. En vader vónj det veer toch drei, veer zek op einen daag móste rape. Die hauwe veer neudig veur de sjtoof aan te make, die muuskes: dennenappels.

[C. GOED]

En waem droog die zek heivers? Nou ja, die zien neet zoe zjwaor, dao hauw me neet väöl muuskes veur neudig. En wie eine dae good get muuskes haet toch eine moeserm kan kriege, dao sjnap ich nieks van. Zien det kaerels wie jufferkes die det kriege? Kaerels mit muuskes neet, den muuskes, det zien sjpierballe.

[OPLOSSING: C]

Muuskes komt vooral in Midden- en Noord-Limburg voor, langs de Duitse grens. Het Duitse woord is Muskel.