Waor of neet waor aflevering 636

maandag 03 november 2003

Paul Prikken

mit de vlik sjete

[A = FOUT]

De vlik. Mit de vlik wurt het brood in den aove gesjaote. Dus zaet me: hae is mit de vlik aan het sjete. Wie me eers het brood in den aove moot sjete veurdet het gebakke is, -nao ein oer of zo,- moot me ouch mit de vlik sjete es me van plan is get vaerdig te make.

Dat is mit de vlik sjete: de veurbereiding make veur get waat later geit gebäöre.

[B = FOUT]

De vlik det is ein auw dónderbuks van de sjötte. Ei gewaer óm los kroet te versjete, ei gewaer det allein mer laweit maak mer gein keugel aafsjut.

Mit de vlik sjete beteikent dus: mit losse flodders sjete, dreige mer neet gevaorlik zeen, blaffe mer neet biete.

[C = GOED]

Ich zit hie in ei gezelsjap van vliksjeters. Luuj die mit sjpek sjete, luuj die zich get biejein fantasere. Want det beteikent het: get fanatsere, get aandikke, de waorheid kamoeflere. Precies wie het Nederlands: mit sjpek sjete, met spek schieten.

[OPLOSSING = C]

mit de vlik sjete = fantaseren, met spek schieten

Noord-Limburg

een 'vlik' is in Noord-Limburg o.m. een stuk spek.