Waor of neet waor aflevering 638

woensdag 05 november 2003

Wim Kuipers

Vim

[A. FOUT]

Veer höbbe hie al ins ei waord behandjeld, mae dan miervoud en get angers oetgesjpraoke, det dao zjwaor op liek. Wiejer verklap ich nieks. Det woor ei waord veur wimpers. En noe oplètte. Wo lieke wimpers op? Op vinne van eine vösj beveurbeeldj, hetzelfde waord taalkundig, of op eine kamp, en noe zien veer d'r bienao. Dink aan de kamp, kamp mit tenj - die tenj haet ouch eine huiraek, veur 't hui mit biejein te raeke, en det waerde vim geneump: eine huiraek, hark mit houtere tenj.

 

[B. FOUT]

Jaja. Witste: mien zösters vreuger, die sjmeerde zich Vim in de wimpers, dan waerde die lekker sjtevig. Mae die wimpers hote angers. Zal de presentator sjtraks waal verklappe. Toch zits doe neet hiel wied d'rnaeve mit die wimpers. Die besjtaon oet häörkes, en wo zitte ouch van die häörkes aan? Aan de aore van gers en kaore. En det häörke, det is noe de vim. De vimme van de gers, det wore nutte dinger, dao zote van die weerhäökskes aan, sjtaekels, en wen me ein vim in de zök kreeg, die hauw me nag neet d'roet. Mae 't ergste woor wen me zoe dink in de kael kreeg. Det deej pien. Ein vim is dus det häörke, kafnaald geheite, aan de aor van veural gers.

 

[C. GOED]

Sjrikkelik - sjrikkelik ouch det dit program bao veurbie is, den ich höb nag zelje zoe mótte lache. Ein vim in de kael. Wits doe waal waat ein vim is? Wils doe die in de kael kriege, dan mós te ein moel höbbe wie ein sjuurpórt. Ein vim - ich zal de sjpanning neet langer laote doere, det zien 120 sjobbe van kaore of weit of veur mie paart gers.

[OPLOSSING: C]

A. had in zijn achterhoofd het woord vlumme voor wimpers, ook ougsvlumme genoemd. Dat woord wordt ook gebruikt voor kafnaalden, die ook vlimme heten of hauwe.