Waor of neet waor aflevering 641

maandag 10 november 2003

Paul Prikken

sjtoppegeldj

[A = GOED]

Es te het taengeweurdig deis dan sjmiete ze dich boete: dienen eigen drank mitbringe nao de kefee of het restaurant. Mer vreuger -in de gojen auwen tied- waor det geweun. Me kós zien eige flesj beer of sjnaps mitbringe mer me moos dan waal ein kómpensasie betale aan de kefeebaas. Det waor het sjtoppegeldj, of het sjtöpkesgeld. Geldj det me aan de kefeebaas betaalde es me zienen eigen drank miutbrach.

[B = FOUT]

Det geluifs doe toch zelf neet...: det er oots HORECA-óngernummers höbbe besjtange die hun klante hunnen eigen drank lete mitbringe! Die zouw ich waal ins wille taengekómme, ouch in diene gojen auwen tied. Nei: het sjtoppegeldj is het drinkgeldj, de fooi, den tip, dae me aan de kefeebaas geuf. Den drank betaalt me, mer ómdet dae minsj ouch de flesj moot aopetrèkke geuf me häöm sjtoppegeld, ein fooi.

[C = FOUT]

Mien man hauw vreuger in de keuke ei pötje sjtaon wo-in ze kleingeldj sjpaarde. Det waor het sjtoppegeldj-pötje. Det sjtoppegeldj deende óm gaetjes in het budget te sjtoppe. Es er bieveurbeeld ónveurzeen oetgaves waore: den ieskas góng kepot, de kinjer greujde te hel en mooste eine nuje jas höbbe, enzowiejer. Daoveur deende het sjtoppegeldj: geldj det me opzie lag veur ónveurzeen oetgaves.

[OPLOSSING = A]

sjtoppegeldj: vergoeding als men zijn eigen drank meebrengt in de kroeg. Men zegt ook: körkegeldj

Maastricht