Waor of neet waor aflevering 646

maandag 17 november 2003

Wim Kuipers

Veuske

[A. FOUT]

Veuske - det kump van voos, in Tegele en Venlo is det voeës. En eine voeëze, det is eine dae lui is, lamlendig, te sullig veur get fetsuundeliks te doon. Noe zal veuske dudelik zien: det is ei maedje, en vreuger woor me wies dartig jaor maedje, of ein vrouw die nieks veursjtèlt, ei doetje zaet me noe, sulletje.

[B. FOUT]

Ja: me zuut waal ins van die doetjes die ei veuske veur höbbe. Eine veus namelik, det waord is ein verkórting van voorschoot of bie ós: veursjolk - veus dus. En ei veuske, det is det klein wit dink, neet väöl groter es eine tesseplak, det serveersters veurgebónje höbbe.

[C. GOED]

Dao kan me ei sjoen veuske van make, euver die witte sjölkskes wo de dames dan wiejer nieks ónger aanhöbbe. Noe dink geer det det mit voze te make haet, ei Hollesj waord veur geet wit waal, det gedoons ónger die sjölkskes wo nieks ónger zit. Nae nae: ei veuske make, det doon ich jeder jaor, in september, veur de leedjesaovend van de vastelaoveskloep, den ei veuske: det is ei leedje.

[OPLOSSING: C]

Opmerking: veuske staat in het woordenboek Van Roermond. Het is een verkleinwoord van het Nederlandse voois: lied, refrein, dat weer van het Franse woord voor stem of klank komt: voix.