Waor of neet waor aflevering 647

dinsdag 18 november 2003

Wim Kuipers

Die haet gei good sjlaot mie d'rop

[A. FOUT]

Sjieke oetdrökking. Die sjteit in de vraogelies 63 B veur 't Limburgs Waordebook, ouch waal de Vies Lies geneumd umdet die euver seks góng. In 1963 aafgevraog, nag neet in drök versjene. Dörve ze neet? Allei: waat is noe det sjlaot? Det waerde gezag van ein vrouw die 't mit Jan en Alleman deej, die zich neet wól opsjloete bie éine insige kaerel. Mae 't woor gein hoor.

[B. FOUT]

Doe meins eine kuisheidsgordel? Sjei oet, dao hauwe de luuj hie noets van geheurd. Nae: wo mót de taatsj, de sjneb, de kwebbel, 't waswief, wo mótte die dames ei sjlaot op höbbe? Zjuus: op de kwebbel, de móndj. Beteikenis van dees oetdrökking: die vrouw kwebbelt, ratelt, taatsj aan ein sjtök wiejer, neet te sjtoppe.

[C. GOED]

Geer dink: euveral wo me ei laok haet, dao kan ei sjlaot op. Noets geheurd: zie haet de ouge gesjlaote? Is die dan blindj? Hij sloot zich af voor L1 Radio: wól nieks mie heure. Sjlaot d'rop? Sloot zich af voor de denkbeelden van Camiel Eurlings - sjei mich meug. Nae jónges: 't geit hie um `t insigste waore gaat of laok, dus de beteikenis is: zij heeft last van winderigheid, leut sjeet nao sjeet.

[OPLOSSING: C]

Voor de andere oplossingen zou iets te zeggen zijn, maar er zijn twee maars: a) die betekenis komt niet voor,

En bovendien: een slot diende vroeger vooral om ontsnappingen te voorkomen.