Waor of neet waor aflevering 650

vrijdag 21 november 2003

Paul Prikken

loer waere

[A = GOED]

Van dit sezoen, van dees maondj november dao wurs te loer van. 's Mörges dónkel, 's aoves dónkel, kaud, raenge, aaf en toe vreze. Dao krigs te de mismood van in. En det beteikent 'loer waere': neerslachtig worden, gedeprimeerd waere. En noe gaon ich nao hoes want ich veul weer ein depressie aankómme.

[B = FOUT]

Nei, nei, loer waere det is get angers. Det is pienter waere, bij de pinken zeen, zich neet meer veur ei gaat laote vange.

Einen auwe vos dae leut zich neet meer rap sjete: dae is loer gewoorte. Es de jaeger op häöm loert dan wèt den auwe vos waal weer ei gaat óm in de kroepe. Den auwe vos is loer gewoorte, hae is sjlauw, sluw, gewoorte. Hae haet al hiel get sjeut hagel euverlaef.

[C = FOUT]

Ja ich zit hie weer sjoon gesjappeerd in de studio: mit eine dae depressief is en einen angere dae van zien eige meint det hae sjlauw is. Dao waer ich loer van. Dao waer ich dwaers van. Loert waere beteikent dus: koppig waere, ónhandelbaar waere. Bieveurbeeldj einen auwn hóndj: dae kèn loer waere, koppig, bókkig, ónhandelbaar.

 

[OPLOSSING = A]

loer waere / neerslachtig worden