Waor of neet waor aflevering 652

dinsdag 25 november 2003

Paul Prikken

verduzele

[A = FOUT]

Verduzele det gebäört al ins in het bedriefs- of het vereinigingslaeve. Es de bookhauter of de penningmeister d'r mit de kas vandoor is, dan zaet me: 'hae haet de kas verduzelt'. Het beteikent dus hetzelfde es verdonkermanen, verduisteren, onvreemden. Klauwe, sjtaele, mer dan op ein heimelike meneer.

[B = FOUT]

Verduzele det kump oet het Duutsj. Op het Pruses is eine Döse eine sproeier of zoe'n nevelspuit, womits te bieveurbeeld de plante besproeis. Verduzele beteikent dus sproeien, sjpritse mer dan mit hiel fien dröppelkes. Parfum of Eau de Colonge det wurt verduzeldt, es te det sproejs sjtinks te oere in de windj.

[C = GOED]

Noe heisj het Alzheimer mer vreuger heij me dao ein aantal anger weitsjeppelike terme veur: hae haet ein pan aaf, hae haet de kop los, ze loupe häöm doorein, hae haet ze neet meer allemaol op ein rie, hae haet eine sjlaag van de meule of me zag: "hae is verduzeld".

Verduzele beteikent dus: geistelik in de war gerake, neet meer bie vol verstandj zeen

[OPLOSSING = C]

verduzele: verwarren, geestelijk in de war raken