Waor of neet waor aflevering 654

donderdag 27 november 2003

Wim Kuipers

Evie

[A. FOUT]

Evie - haha. Gister woor 't pollevie, noe det waord sónger pol - kan me dinke. En dan? Ja zeker: ich vinj det veur oos troew loestereers waal get meuge helpe dees daag. Pollevie woor einen hak. Bekiek uch det wie daen hak oetzuut, ren dan nao ei good Ingels waordebook, loer bie eaves [i:vz], ich sjpel: E-A-V-E-S, en dao sjteit: `overhangende dakrand'. Krek einen hak - en det is d'n evie: d'n ungelste randj van 't sjtreuje daak, det waat euverhink zoegezag. De lngelse höbbe dao nag ei wirkwaord bie det aafloestere beteikent: sjtiekem ónger d'n evie sjtaon te loestervinke. Höbbe veer neet. Zólle veer det hie oetvinje? Allei: sjtank neet zoe te evieje.

[B. GOED]

Wo bliefs doe mit die S? Nae nae, loester ins good. Lang lang geleje woor d'r bie ós in 't dörp eine Meeuwissen. Dao zag me De Meef taenge, en inins hoot dae Meef Evie. En nag gekker: det is ei koppel jaor gezag taenge lui die danig aojerwits wore: waat bös doe einen evie. Det keem zoe: dae Meeuwissen dae zat es alderlèste evie, det is hiel lóchte haver. Die waert neet groot, haet klein körrelkes, is dus danig ónveurdeilig.

[C. FOUT]

Haha: haver. Kós me dao ouch beer van broewe, van die haver van dich?. Dan mót me ze laote kene - kiemen, en det kan allein wen me ze iers naat gemaak haet. En dan: bietje vraem mesjiens veur dich, dan mót det grei - en laote veer zèkge de gekeende gers, die geit dan d'n evie in, veur te dreuge. Dus: einen evie det is eine aove veur 't dreuge van de gekeende gers, veurdet dao beer van gebroewe waert.

[OPLOSSING: B]

Deskundige A had het over woorden als euzie of euzel, voor die strorand. In deze woorden komt geen V voor. De oven waar C op doelde heet: EEST.