Waor of neet waor aflevering 655

vrijdag 28 november 2003

Wim Kuipers

Erks

[A. FOUT]

Erks - det haet mit eine erker te sjafte. Pruses waord, mae die höbbe det weer oet Peries, dink aan de Arc de Triomphe. Arc is baog, einen erker eine baogvörmige oetboew aan de boet. Det waord arc kinne veer ouch: ein erk boewe van dennegreun veur wen pesjtoor vieftig jaor geisselik is. Dök hauw pesjtoor dan al eine boek, me kós zèkge det hae get erks woor, wie ein lat erks kan zien: ei bietje gebaoge.

[B. FOUT]

Die erk van dich, dae baog, dae neume veer ark: woveur zólle veer Franse wäörd verzauwele? Kwark is neet kwerk. Loester noe. Achter d'n Deelgaard, aan de grens, dao lik de buurtsjap A gen Erk. Det is wie de ark van Noë. Efkes vertèlle. 't Woor 1870 - aorlog van Bismarck taenge de Fransoze, en net euver de grens dao, in Haaren, dao woonde eine boer mit twie zeuns en hae wól neet det die móste gaon sjneuvele. Hae boewde häör daoveur ei houtere hoes op rajer, en duujde det - wie ein ark - de päöl euver. Hoofde ze neet in deens van de Pruse. Daoveur hit det dao zoe. Ein ark is ouch een oud vervallen huisje, zaet v. Dale, en bie ós waert gezag: det is dao nagal erks, of: die wone erks: ermeujig.

[C. GOED]

Loester loester: ich höb 't good - amen. Hie is noe bao 2000 maol ei waord oetgelag, good mae meis verkierd, woveur zól ich es alder- alderlèste 't verkierd höbbe? Tuurlik neet. Den waat is hie d'raan? 't Book van Waor of neet waor waert toewgeslage. En waat zit um ei book? Ein erks ofwaal ein kaf, Nederlands kaft mit de T van terminé, fini, aafgeloupe, gedaon,

 

[OPLOSSING: C]

Erks is misschien het moeilijkste woord dat we gehad hebben. Het staat in het woordenboek van Herten: (boeken)kaft, met de toevoeging: uitgestorven. Nu is het weer levend geworden.